الخميس، 23 مايو، 2013

كلمات أغنية واحشنى .... ألبوم حب جامد لـ جنات 2013


" واحشنى "

واحشنى إيده تلمسنى .. طريقة نطقه لإسمى
ده روحى وغايبه عن جسمى .. انا عايشه والسلام
هزاره وهو باله رايق .. وشكله لما يتضايق
واحشنى كلامنا طول الليل  .. على صوته كنت بنام
واحشنى سؤاله عنى .. أنا ببكى مش بغنى 
وروحى رايحه منى..  بتبعتله السلام
أنا اللى فى بعده بشقى .. علشان من قلبى عاشقه 
ونفسى فى حضنى يبقى .. واصحى جنبه وأنام

بعيد عنى لكن شايفاه .. ولحظه بلحظة عايشه معاه
حياتى إبتديت وياه .. وماتكملش إلا بيه
وحيده ضعيفه منسيه .. وحبه أحلى ما فيا
هتسوى إيه الحياه ديه .. لو مش عايشه ليه 
واحشنى سؤاله عنى .. أنا ببكى مش بغنى
وروحى رايحه منى..  بتبعتله السلام
أنا اللى فى بعده بشقى .. علشان من قلبى عاشقه
ونفسى فى حضنى يبقى .. واصحى جنبه وأنام

كلمات أغنية فكرت طول اليوم .... ألبوم حب جامد لـ جنات 2013


" فكرت طول اليوم "

فكرت طول اليوم .. ومافيش سبب مفهوم
خلانى أعرف أقول ايه اللى حسيته
فجأه لقتنى معاه .. عايشين فى أحلى حياه
لله كده فى لله .. لقتنى حبيته

ضيعت وقت كتير نقصنى حاجات كتير 
ومعاك حبيبى خلاص لقيتها وزياده
كل اللى بحلم بيه .. انا عايشه جنبك فيه 
انا ايه اللى هحتاج ليه .. صدقنى ولا حاجه 
فكرت طول اليوم .. ومافيش سبب مفهوم
خلانى أعرف أقول ايه اللى حسيته
فجأه لقتنى معاه .. عايشين فى أحلى حياه
لله كده فى لله .. لقتنى حبيته

فيه ناس كتير عايشين ..  بيحبوا بعض سنين
وانا عشت ده فى يومين جنبك وعديته 
اللى فى هواك حساه فوق اللى بتمناه
كل اللى انا عايزاه .. فى الحب انا لقيته

انا عشت سنين حياتى بعمل ايه .. والعمر ده ضيعته ليه 
انا مش هاعيش من غير هواك لو يحصل ايه
انا عشت سنين حياتى بعيش لمين .. أنا مش هافكر إلا فيك
يا أحلى حب وأحلى حلم حلمت بيه

فكرت طول اليوم .. ومافيش سبب مفهوم
خلانى أعرف أقول ايه اللى حسيته
فجأه لقتنى معاه .. عايشين فى أحلى حياه
لله كده فى لله .. لقتنى حبيته

الأربعاء، 22 مايو، 2013

كلمات أغنية أنا نسيتك .... ألبوم حب جامد لـ جنات 2013



" أنا نسيتك " 

أنا نسيتك على فكره .. وحياتى هعيشها من بكره
محيت عمرى اللى عشته معاك .. ماسبتش حاجه للذكرى 
جراحى دويتها مية مره .. وحبك اترمى برا
ولو فيا حاجات فكراك .. تاخدها معاك بالمره 
مافيش آسف مافيش أعذار .. مافيش ولا شئ يناسينى 
لا تتأثر ولا تنهار .. كفايه سقطت من عينى 
فريحنى وماترجعليش .. عايز ترجعلى تأذينى

يا واخد من حياتى كتير .. ماعدلك شئ خلاص تأثير 
أفكر فى الرجوع ده كلام .. فى حد فى ألمه عاد تفكير
أنا استحملت للاخر .. وادينى بقيت على الاخر 
ده اللى فيا عملته حرام .. مايعملهوش واحد كافر
مافيش آسف مافيش أعذار .. مافيش ولا شئ يناسينى
لا تتأثر ولا تنهار .. كفايه سقطت من عينى
فريحنى وماترجعليش .. عايز ترجعلى تأذينى

كلمات أغنية حضرة المهم .... ألبوم حب جامد لـ جنات 2013



" حضرة المهم "

حبيبى ضرورى تسمعنى .. انا حاسه ان انا لوحدى 
هتتعطل وايه يعنى .. ماهو انت اهم شئ عندى
حضرة المهم .. يا سعادة الباشا المستعجل
فى كلام مهم .. واللى وراك ممكن يتأجل 
مش معقول دايما مشغول وناسينى كأنك ولا حبيت 
لازم تفضى علشان مش هارضى اكون زى اى حاجه فى البيت
انا لا بهدد فيك ولا بعند بس بقول من باب العلم 

حضرة المهم .. يا سعادة الباشا المستعجل
فى كلام مهم .. واللى وراك ممكن يتأجل 

أنا مش بطلب منك إنك يوم تتغير .. حاجه بسيطه وعلى قدى
 سبلى انا بعد ئذنك من وقتك جزء صغير بس يكونلى لوحدى

مش معقول دايما مشغول وناسينى كأنك ولا حبيت 
لازم تفضى علشان مش هارضى اكون زى اى حاجه فى البيت
انا لا بهدد فيك ولا بعند بس بقول من باب العلم 

حضرة المهم .. يا سعادة الباشا المستعجل
فى كلام مهم .. واللى وراك ممكن يتأجل 


كلمات أغنية مش واقفه على حد .... ألبوم حب جامد لـ جنات 2013


" مش واقفه على حد "

مش واقفه على حد بجد .. وماتفكرش علشان بهواك
أتنازل عن حقى وأعدى .. وأتساهل يا حبيبى معاك
لأ بالعكس هيبقى حسابك عندى كبير
قد القلب ما حب وحسك ياما كتير
مانا ياما عديت وسامحتك .. فاكر ولا نعد 

مش واقفه على حد بجد .. وماتفكرش علشان بهواك
أتنازل عن حقى وأعدى .. وأتساهل يا حبيبى معاك

اتغيرت ايه اللى جرالك مش فاهماك
اتغريت من يوم ما عرفت ان انا عشقاك
وحياتك دانا ادوس على قلبى واللى اتبنى يتهد 

مش واقفه على حد بجد .. وماتفكرش علشان بهواك
أتنازل عن حقى وأعدى .. وأتساهل يا حبيبى معاك


كلمات أغنية مسا الجمال .... ألبوم حب جامد لـ جنات 2013


" مسا الجمال "

يا مسا الجمال .. على أبو عيون جمال 
اللى ماسألش عنى .. من الليالى ولا بسؤال
مش هاين عليا .. ماتكونش قصاد عينيه 
لما بتغيب شويه .. بيبقى قلبى حاله حال
انا مابشتكيش .. وانت عارف كويس إنى فى النكد ماليش 
انا بس بقولك بطل تطنيش
لو ماوحشتنيش .. يبقى ساعتها ليه فى الدنيا لحظة أعيش
دانت حبيبى .. غيرك انت ماليش 
وابقى .. ابقى تعالى .. مره تعالى .. لحظه تعالى .. تعالى
وابقى .. ابقى تعالى .. مره تعالى .. لحظه تعالى .. تعالى

تعالى .. تعالى 
بتغيب عنى ليه .. طب يعنى يجرى ايه 
لو تفضل طول الوقت جنيى .. ده اللى نفسى فيه
لما بتروح تنام .. بحلم تصحى قوام
ومادام قلبك معايا .. يبقى تسمع الكلام
انا مابشتكيش .. وانت عارف كويس إنى فى النكد ماليش 
انا بس بقولك بطل تطنيش
لو ماوحشتنيش .. يبقى ساعتها ليه فى الدنيا لحظة أعيش
دانت حبيبى .. غيرك انت ماليش 
وابقى .. ابقى تعالى .. مره تعالى .. لحظه تعالى .. تعالى
وابقى .. ابقى تعالى .. مره تعالى .. سيدى تعالى .. تعالى

الاثنين، 20 مايو، 2013

كلمات أغنية أولاد وبيت .. ألبوم حب جامد لـ جنات 2013



 " أولاد وبيت " 

أنا زى أى واحده كان حلمى بسيط .. أولاد وبيت 
وألاقى حد تكون مشاعره حنينه
كان نفسنا .. فى ولد وبنت ننام وهما فى حضننا
كان نفسى منك بنت حلوه وروحها فيك .. تمشى فى إيديك 
وولد يكون زيك ملامحه طيبه
لكن نصيبنا انا وانت نبقى لوحدنا
حلمنا بعيد لكن ربك كبير .. وهنفرح أكيد ويعوض صبرنا خير
واللى حلمنا بيه انا وانت هنلاقيه .. وهايجى يوم نمشى وإيدينا فى إيديه

فى حياتنا انا وانت حاجات حلوه كتير .. واكيد ده خير
وانا حاسه ان الجى احلى فى عمرنا
وبجد انا .. لقيت فى حبك كل حاجه حنينه
لا زعلنا يوم من اللى احنا فيه .. ولا قولنا ليه .. وبإيدينا إيه
على فين دى هى اكيد إرادة ربنا
ودى حاجه بتقربنا حبه لبعضنا
حلمنا بعيد لكن ربك كبير .. وهنفرح أكيد ويعوض صبرنا خير
واللى حلمنا بيه انا وانت هنلاقيه .. وهايجى يوم نمشى وإيدينا فى إيديه

كلمات أغنية معقول .... ألبوم قلبى ماله لـ هانى شاكر



" معقول "

معقول نتقابل تانى .. معقول مانتش نسيانى
معقول ... معقول ...  معقول
بعد ما دابت أحلامى .. بعد ما شابت أيامى
ألقاكى هنا قدامى
ده كتير أوى .. كتير أوى .. ده كتير أوى يا زمانى .. كتير أوى يا زمانى

أرجوكى .. أرجوكى .. أرجوكى إستنى عليا
أرجوكى .. أرجوكى .. ماتبصيش كده فى عينيه
لا عملت حساب الصدفه .. ولا قد عذاب اللهفه 
شيفاكى عينيه وخايفه .. لا تكونى خيال وأمانى
بعد ما دابت أحلامى .. بعد ما شابت أيامى
ألقاكى هنا قدامى
ده كتير أوى .. كتير أوى .. ده كتير أوى يا زمانى .. كتير أوى يا زمانى

معقول واقفين بنسلم .. مع بعض سوا بنتكلم
وكأننا متقابلين .. امبارح ولا حاسين
إن احنا بقالنا سنين .. الشوق بينا بيتألم
قلبى اللى فتحته علشانك من يومها قفلته عليكى 
ولاحدش يملى مكانك .. وادى  قلبى خديه بإديكى
بعد ما دابت أحلامى .. بعد ما شابت أيامى
ألقاكى هنا قدامى
ده كتير أوى .. كتير أوى .. ده كتير أوى يا زمانى .. كتير أوى يا زمانى

الخميس، 16 مايو، 2013

كلمات أغنية عيشنى أكتر .... ألبوم حب جامد لـ جنات 2013



"  عيشنى اكتر "

عيشنى اكتر بيك
 انا عشت بستنى .. طول عمرى واتمنى 
اعيش لو ثانيه واحده معاك وكفايه ده عليا
انا بين ايديك لايديك
احضنى طمنى .. قرب كمان منى
 معاك مطمنه اوى بيك ومغمضه عينيه 
وانا وياك ولا حاجه فى الدنيا بقت فارقه .. وانا وياك ايه تانى افكر فيه
خدنى معاك لو فين حبيبى مش هاقول لأ .. خدنى معاك خد قلبى وابعد بيه 

لو عشت ثانيه معاك .. بالدنيا وما فيها .. هحتاج ايه بعديها 
خلاص كل اللى بحلم بيه دلوقتى فى إيديه
انا من زمان شايفاك .. بعينيه وبقلبى ..  بتخيلك جنبى
مافيش اكتر من انى معاك .. وان انت حواليا 

وانا وياك ولا حاجه فى الدنيا بقت فارقه .. وانا وياك ايه تانى افكر فيه
خدنى معاك لو فين حبيبى مش هاقول لأ .. خدنى معاك خد قلبى وابعد بيه



كلمات أغنية, lyrics, ألبوم حب جامد, ألبوم جنات, جنات, أغنية عيشنى اكتر, عايشنى أكتر, عايشنى اكتر, عيشنى أكتر, أغنية انا عشت بستنى, 

الأربعاء، 15 مايو، 2013

كلمات أغنية البادى أظلم .. ألبوم حب جامد لـ جنات 2013



" البادى أظلم "

ما تفكرنيش باللى جرى .. ماترجعنيش تانى ورا 
راجع مشتاق ليه يا ترى .. وازاى ليك عين
عدانى العيب وصبرت سنه .. حيره وتعذيب ولا انت هنا
ومالكش نصيب فيا انا .. ارجعلك مين
لا يا حبيبى كان زمان .. هى دى تيجى اديك امان
انا يا سيدى هارتاح كده .. نصيحه منى تنسى اللى كان
قولتلك انا عمرى ما هنسالك .. جرب بقى دوق من افعالك
وفر اعزارك وانسى بقى 
ماتقوليش فرصه ونتفاهم .. شكلك كده حافظ مش فاهم 
مين قال يا فراق مين اللى بدأ
والبادى اظلم .. دانت بتحلم .. عمرى ما هرجع .. مهما تدمع
مابقتش خلاص على نياتى .. مابلاش بقى تحلف بحياتى 
عارفه اللى هيجى بعد كده
وتتمسكن علشان تتمكن .. لكن المره دى ده مش ممكن 
تضحك على مين ده الا انا
والبادى اظلم .. دانت بتحلم .. عمرى ما هرجع .. مهما تدمع

بتقول دى ملاك وبتتساهل .. غلطان استحمل تستاهل 
من فينا اتعلم بالساهل .. مستغرب ليه 
تصعب على مين قلبى اوى .. ماتلومش عليه حب اوى
مالقاش غير واحد قلبه أوى .. بقى ييجى عليه
لا يا حبيبى كان زمان .. هى دى تيجى اديك امان
انا يا سيدى هارتاح كده .. نصيحه منى تنسى اللى كان
قولتلك انا عمرى ما هنسالك .. جرب بقى دوق من افعالك
وفر اعزارك وانسى بقى
ماتقوليش فرصه ونتفاهم .. شكلك كده حافظ مش فاهم
مين قال يا فراق مين اللى بدأ
والبادى اظلم .. دانت بتحلم .. عمرى ما هرجع .. مهما تدمع
مابقتش خلاص على نياتى .. مابلاش بقى تحلف بحياتى
عارفه اللى هيجى بعد كده
وتتمسكن علشان تتمكن .. لكن المره دى ده مش ممكن
تضحك على مين ده الا انا
والبادى اظلم .. دانت بتحلم .. عمرى ما هرجع .. مهما تدمع

كلمات أغنية ماتخافش من بكرا .... ألبوم حب جامد لـ جنات 2013



" ما تخافش من بكرا "

ماتخافش من بكرا وانا معاك .. انا هابقى دايما واقفه وراك 
وعمرى ما هاقولك مليت
وزى ما عايزنى انا عايزاك .. لو بعد مية سنه هاستناك
ومش هحس ان انا ضحيت
اقع واقف تانى على رجليك .. مش عيب ده مايقعش الا الشاطر
اجمد اوى انا مؤمنه بيك .. هنكمل المشوار للاخر 

اتخلقت الدنيا فكذا يوم .. والشاطر اللى يقع ويقوم
انا قولت ده وهافضل اقوله
اضمنى ماتخافش انا فى ايديك .. مش هابقى انا والدنيا عليك 
وحلمنا مسيرنا نطوله
اقع واقف تانى على رجليك .. مش عيب ده مايقعش الا الشاطر
اجمد اوى انا مؤمنه بيك .. هنكمل المشوار للاخر


كلمات أغنية شكرا على الرساله .... ألبوم حب جامد لـ جنات 2013



" شكرا على الرساله "

معقوله جيت على بالك وافتكرتنى .. وكمان بعتلى رساله تقولى وحشتنى
طرت بكلامها بس باخرها صدمتنى .. كاتب خساره خسرت هواك وخسرتنى 
شكرا على الرساله طب لو وحشك كنت تعالى ..  حتى تشوفنى لاخر مره ولا بقيت تتعالى
مش قولنا استحاله حاجه تفرق بينا لالا .. كده بسهوله تقرر تبعد وتقولها فى رساله 

يا ريت ما قولت وحشتك ولا بينتها .. وكأنى بالنسابلك موضوع وانتهى
طب كنت سبنى انسى الحكايه فى وقتها .. كده حاولت تسهلها صعبتها 
شكرا على الرساله طب لو وحشك كنت تعالى ..  حتى تشوفنى لاخر مره ولا بقيت تتعالى
مش قولنا استحاله حاجه تفرق بينا لالا .. كده بسهوله تقرر تبعد وتقولها فى رساله 




كلمات حزينة, الحزن فى كلمات, أغانى حزينة, أغنية حزينة, أغانى بعد, أغانى عتاب, شكرا عالرساله, عالرساله جنات, عالرساله لجنات, على الرساله جنات, على الرساله لجنات, معقوله جيت على بالك جنات

الثلاثاء، 14 مايو، 2013

كلمات أغنية حب جامد .... ألبوم حب جامد لـ جنات 2013



" حب جامد "

وقفت جنبك مالبدايه .. وانا جنبك للنهاية 
كلام الناس ده كله .. ولا بيفرق معايا
انا عايزه احبك قد ما اقدر .. واحبك برده اكتر
ومهما تزيد غلاوتك .. فى قلبى مش كفايه

وقفت جنبك مالبدايه .. وانا جنبك للنهاية 
كلام الناس ده كله .. ولا بيفرق معايا
انا عايزه احبك قد ما اقدر .. واحبك تانى اكتر
ومهما تزيد غلاوتك .. فى قلبى مش كفايه
حب جامد .. حب جامد .. ايه بيحصل لما واحده تحب واحد 
حب جامد .. حب جامد .. حبك انت جوا قلبى وربى شاهد

لقيت معاك الحب وعرفت الآمان .. ونسيت حاجات صعبه بعيشها من زمان
ماكنش ليا فى الحياه قبلك مكان .. وماليش مكان فى الدنيا الا فى حضن واحد
حضن جامد .. حضن جامد .. ايه بيحصل لما واحده تحب واحد
ده حب جامد .. حب جامد .. حبك انت جوا قلبى ............................


حب جامد .. حب جامد .. ايه بيحصل لما واحده تحب واحد 
حب جامد .. حب جامد .. حبك انت جوا قلبى وربى شاهد

كلمات أغنية كده يا حبيبى ... ألبوم حب جامد لـ جنات 2013



" كده يا حبيبى " 

كده يا حبيبى ترمينى على شوق .. وتقلب حالى من تحت لفوق 
وتقول بالعافيه وبالذوق .. هتحير هوايا
انت فاكرها خلاص سايبه .. وانى بقيت فى هواك دايبه 
هى بنات الناس لعبه ولا ايه الحكايه

لا يا حبيبى بقى صحى النوم .. اصل ده كله مالوش لزوم
هو انا يعنى اصوم اصوم .. وتبقى دى النهايه
انسى ان انا يشغلنى هواك .. وان انا هاخد وادى معاك 
الا لما اعرف ايه جواك .. قصدك ايه معايا 

كده يا حبيبى ترمينى على شوق .. وتقلب حالى من تحت لفوق
وتقول بالعافيه وبالذوق .. هتحير هوايا
انت فاكرها خلاص سايبه .. وانى بقيت فى هواك دايبه
هى بنات الناس لعبه .. ولا ايه الحكايه

الاثنين، 13 مايو، 2013

كلمات أغنية مالك خايفه ليه .... لـ محمد منير 2013



" مالك خايفه ليه " 

مالك خايفه ليه .. ليه الحزن ليه 
ضحكة عيونك جايه جايه مش بعيد
رجلك عالطريق .. بحرك مش غريق 
ودول ولادك وانتى عرفاهم اكيد
لا .. دول مهما تعبوا فى الطريق مابيرجعوش .. يختلفوا ما يتفرقوش
اوعى لحظة يحس قلبك بالخطر
لا دول معمولين من طينه تانيه وطيبين .. مابيعرفوش المستحيل
جبل الحمول ده ياما عافر وانتصر
مالك خايفه ليه .. ليه الحزن ليه 
ضحكة عيونك جايه جايه مش بعيد
رجلك عالطريق .. بحرك مش غريق 
ودول ولادك وانتى عرفاهم اكيد


قلبك طمنيه .. حلمك كمليه .. واتسندى على كتف أهلك ما تخافيش
جوه عيونى شوق .. أشوفك عاليه فوق .. لجل اللى ضحى ومات علشان اسمك يعيش 
لا .. دول مهما تعبوا فى الطريق مابيرجعوش .. يختلفوا ما يتفرقوش
اوعى لحظة يحس قلبك بالخطر
لا دول معمولين من طينه تانيه وطيبين .. مابيعرفوش المستحيل
جبل الحمول ده ياما عافر وانتصر
مالك خايفه ليه .. ليه الحزن ليه 
ضحكة عيونك جايه جايه مش بعيد
رجلك عالطريق .. بحرك مش غريق 
ودول ولادك وانتى عرفاهم اكيد



محمد منير, أغانى الثورة, أغنية مالك, أغنية مالك خايفه ليه, أغنية محمد منير الجديدة, الكنج محمد منير